टोकियो – नेकपा एमालेका पोलिटब्यूरो सदस्य राजेन्द्र पाण्डे एक कार्यक्रमको सिलसिलामा हाल जापान भ्रमणमा रहनुभएको एनडिएफ जापानले जनाएको छ ।
नेता पाण्डेको स्वागतमा एनडिएफ जापानले आइतवार नै एक कार्यक्रमको आयोजना गरी भेटघाटसहितको अन्तरक्रिया सम्पन्न गरेको छ ।
‘बर्तमान नेपालको राजनैतिक अवस्था र हामीले खेल्नुपर्ने भूमिका’ बिषयक अन्तरक्रिया कार्यक्रममा एनडिएफ जापानका अध्यक्ष सिर्जना काफ्ले, उपाध्यक्ष मोहन रायमाझी, कोषाध्यक्ष जीबन अर्याल, टोकियो शाखाका अध्यक्ष देवीलाल भण्डारी, सल्लाहकारद्वय सूर्य पाठक र लोकनाथ वस्ती लगायतका एनडिएफमा आबद्ध महानुभावहरुको उपस्थिति रहेको थियो । उक्त कार्यक्रम निर्बाण रेटुरेन्ट योकोहामामा भएको थियो ।
नेता पाण्डे जापानको बिकासका बिबिध पक्षका बारेमा जानकारी लिने सिलसिलामा जापान आउनुभएको बुझिएको छ । उहाँ अगस्त सात तारिखसम्म जापानमा रहने कुरा पनि एनडिएफ श्रोतले जनाएको छ । ***
