टोकियो- दोस्रो विश्व युद्धमा जापानमा आणविक बम खसाउन स्वीकृति दिने अमेरिकी पूर्व राष्ट्रपति हृयारी ट्रुम्यानका नाति शनिबार बम आक्रमणको ६७ औँ वाषिर्की अगाडि हिरोसिमा पुगेका छन् ।
पचपन्न वर्षीय क्लिफटन ट्रुम्यान ड्यानियल हिरोसिमा शान्ति स्मारक निकुञ्ज पुग्नुभएको र सन् १९४५ मा पारमाणविक बमका कारण मारिएका व्यक्तिहरूका लागि शान्त प्रार्थना गर्नुभएको समाचार प्रकाशन भएका छन् ।
सन् १९४५ को अगस्त ६ मा अमेरिकाले हिरोसिमामा तथा त्यसको तीन दिनपछि नागासाकीमा बम आक्रमण गरेपछिको वाषिर्कीहरूमा भाग लिने ट्रुम्यानका नातेदाहरूमा ड्यानियल पहिला भएका छन् ।
हिरोसिमा शान्ति स्मारक सङ्ग्रहालयको भ्रमणपछि पूर्व राष्ट्रपतिका जेठा नातिले नगर पूरै शान्तिको सन्देशका लागि अभिप्रेरित रहेको आफूले अनुभव गरेको बताउनुभयो । उक्त कुरा क्योडो समाचार संस्थाले उल्लेख गरेको हो । उक्त आक्रमणका कारण दुई लाखभन्दा बढी व्यक्ति व्यक्तिको मृत्यु भएको बताइएको छ ।
