माओवादी सेनाले भने– ‘पहिले राजनीतिक सहमति गर’

काठमाडौं– माओवादी जनमुक्ति सेनाले लडाकु समायोजन अघि राजनीतिक सहमति गर्न आग्रह गरेको छ ।

पार्टी कार्यालय कोटेश्वर पेरिसडाँडामा बसेको जनमुक्ति सेनाको जनरल स्टाफ बैठकले समायोजन कार्यतालिका बनाउन आग्रह गरेको हो । ‘समायोजन प्रक्रियालाई छिट्टै अगाडि बढाउन राजनीतिक दलहरुले तयार गरेको कार्यतालिका विशेष समितिलाई प्राप्त भए अगाडि बढ्न सजिलो हुन्थ्यो,’ जनमुक्ति सेना कमाण्डर नन्दकिशोर पुन ‘पासाङ’ले भने ।

बैठकमा कमाण्डरहरुले समायोजनमा लरतरो निर्णय नगर्न माओवादी अध्यक्ष पुष्पकमल दाहाललाई सुझाव दिए । दाहाल पनि बैठकमा सहभागी थिए ।