कुमारी आमाले न्याय पाइन्

कैलाली (अत्तरिया)- कर्मचारीको रुपमा कार्यरत रहँदा पत्रिका सञ्चालकको यौन शोषणमा परेर छोरी जन्माएकी कैलाली टीकापुरकी निशा रावलले न्याय पाएकी छन् । जिल्ला अदालत कैलालीले आइतबार निशाका पक्षमा फैसला गरेको हो ।

पीडित निशाले टीकापुर टाइम्सका प्रकाशक/सम्पादक कर्ण कुँवरसँगको नाता कायम गरीपाऊ भनी २०६७ मङ्सिर २२ गते जिल्ला अदालतमा मुद्दा दायर गरेकी थिइन् ।

अविवाहित अवस्थामा शल्यक्रियाबाट छोरी जन्माएकी निशाले साढे ७ महिनापछि छोरी आञ्चल कुँवरको जन्म दर्ता हुने भएपछि ढिलै भए पनि न्याय पाएकोमा आफू खुसी भएको बताइन् ।

शल्यक्रिया गरेर छोरी जन्माउनु पर्दा उपचारका लागि नेपाल पत्रकार महासङ्घ कैलालीले करिब रु १२ हजार आर्थिक सहयोग जुटाएको थियो ।