काठमाडौं- भारतको चर्को विरोध गर्दै आएका उपाध्यक्ष मोहन वैद्य समूहका नेता नेत्रविक्रम चन्द ‘विप्लव’भारतीय गुप्तचर संस्था ‘रअ’को निम्तोमा दिल्ली गएको खुलासा भएको छ ।चन्दले दिल्ली गएर गुप्तचर अधिकारीलाई भेटेको प्रमाण अध्यक्ष प्रचण्ड निकट नेताहरुले केन्द्रीय समिति बैठकमा पेश गरेका छन् ।
‘दलाल भनेको के हो रु दूतावासभित्र सुटुक्क पस्ने, पार्टी नेतृत्वलाई थाहै नदिई भारतीय र कांग्रेस-एमालेका ब्यक्तिहरुलाई भेट्नु दलाली हो कि हैन रु’ प्रचण्ड निकट भनेर चिनिने हरिवोल गजुरेलले वैद्य पक्षई जारी केन्द्रीय समिति वैठकमा प्रश्न गरे ।
नेतृत्वलाई विस्तारबादीको दलाल भन्ने अनि आफैं उनीहरुसित साँठगाँठ गर्ने दुईवटा घटनालाई संस्थापन पक्षले जारी केन्द्रीय समितिमा मुख्य विषय बनाएका छन् ।
यस्तै रामबहादुर थापा बादल, नेत्रबिक्रम चन्द बिप्लव र सीपी गजुरेलले पार्टीलाई थाहै नदिई नेपालस्थित भारतीय दूतावास पुगेर त्यहाँका गुप्तचर अधिकारीसँग वार्ता गरेको कुरा पनि संस्थापन पक्षले खुलासा गरिदिएको छ ।
