हेमन्तले भने– ‘जापानमा माया पाएँ’

काठमाडौं– अङ्ग्रेजी नयाँ वर्ष २०१२ को अवसरमा सांगीतिक कार्यक्रम प्रस्तुत गर्न जापान गएका गायक हेमन्त शर्माले आफूले जापानमा धेरै माया पाएको बताएका छन् ।

साता लामो जापान बसाईपछि नेपाल फर्किएका गायक शर्माले भनेका छन्– ‘यहाँहरुको मायाले जापानजस्तो देशमा सफल म्यूजिकल शो गरेर नेपाल फर्किएँ ।’ गायिका मल्लिका कार्कीसहित टोकियो पुगेका हेमन्तले टोकियो,  नागोयालगायतका कार्यक्रममा नेपाली गीत गाएका थिए ।

नेपालबाट विदेश गएका गायक नफर्किरहेकाबेला गायक शर्मा भने आफू जुनसुकै मुलुक गएपछि जीन्दगीभर नबिदेशिने वाचा गरेका छन् ।