प्रधानमन्त्री डा. भट्टराई विरामी

काठमाडौं- प्रधानमन्त्री डा.बाबुराम भट्टराई बाटामै विरामी भएका छन् ।

मुस्ताङ म्याक्स गाडीमा आउँदै गर्दा विरामी भएपछि उनले केहीबेर चरौंदीमा आराम गरेका थिए । आधा दर्जनभन्दा बढी कार्यक्रममा सहभागी हुन आएका प्रधानमन्त्रीले भ्रमण छोट्याएको स्वकीय सचिव फणिन्द्र देवकोटाले जानकारी दिए ।

‘बाटोमा आउँदा वान्ता भयो,’ उनले भने, ‘केही ‘रेस्ट’ नपुगेको डाक्टरको सल्लाह छ ।’ घाँटीमा समस्या भएका प्रधानमन्त्रीले चार दिनअघि बालुवाटारमै आराम गरेका थिए ।

देवकोटाका अनुसार प्रधानमन्त्रीले घ्याल्चोक गाविसमा सम्वोधनलगायत केही कार्यक्रममा मात्र भाग लिनेछन् । अस्वस्थ्य भएका प्रधानमन्त्री हेलिकोप्टरमा फर्कने उनले जानकारी दिए ।

प्रधानमन्त्री भएपछि उनी चौथो पटक जिल्ला आएका हुन् ।