जाडो छल्न नातिसँग पूर्व राजा चितवनमा

चितवन- पूर्व राजा ज्ञानेन्द्र शाह अपराह्न ४ बजे चितवन पुगेका छन्। शाहलाई सशस्त्र प्रहरीले स्कर्टिङ गरी चितवनको सौराहा पुर्‍याएको छ। पूर्व राजा शाह नाती हृदयन्द्रसहित सात जना आफन्तसँग चितवन आएका हुन्। उनीहरु चितवनको सौराहामा रहेको चितवन प्याराडाइज होटलमा बसेका छन्।

ज्ञानेन्द्र सहितको टोली आगामी पुस २० गतेसम्म चितवनमै रहने स्रोतले बतायो।

केही दिन आराम गर्न र व्यक्तिगत कामको सिलसिलामा शाह चितवन आएको सहयोगीले बताएका छन्। चितवन बसाइका क्रममा ज्ञानेन्द्र शाहले आफू निकटका व्यक्तिहरुसँग भेटघाट गर्नेछन्। जाडो छल्न चितवन जाने चलन शाह परिवारमा पुरानै हो।