प्रधानमन्त्रीसहित कांग्रेस र एमालेका शीर्ष नेताहरूबिच भेटवार्ता

समाचार सुन्नुहोस :

काठमाडौँ – प्रधानमन्त्री केपी शर्मा ओलीले आइतबार अपराह्न सत्तारुढ दल नेपाली कांग्रेसका शीर्ष नेताहरूसँग बालुवाटारमा भेटवार्ता गरेका छन्।

प्रधानमन्त्री निवासमा बसेको छलफलमा नेपाली कांग्रेसका सभापति शेरबहादुर देउवा, उपसभापति पूर्णबहादुर खड्का, गृहमन्त्री रमेश लेखक र परराष्ट्र मन्त्री डा. आरजू राणा सहभागी भएका थिए। नेकपा एमालेतर्फबाट वरिष्ठ उपाध्यक्ष ईश्वर पोखरेल र उपप्रधानमन्त्री एवं अर्थमन्त्री विष्णु पौडेल पनि छलफलमा सहभागी थिए।

दुवै पार्टीका शीर्ष नेताहरूबीच पछिल्ला राजनीतिक घटनाक्रमका साथै आपसी सहकार्य र समन्वयका विषयमा कुराकानी भएको बताइएको छ। औपचारिक विवरण सार्वजनिक नगरिए पनि यो भेटलाई सत्ता साझेदारी र आगामी राजनीतिक रणनीतिसँग जोडेर हेरिएको छ।