काठमाडाैंमा सहकारीपीडितको अर्धनग्न भएर प्रदर्शन

समाचार सुन्नुहोस : 

काठमाडौँ – काठमाडौँको माइतीघर मण्डलामा आइतबार सहकारी ठगी पीडितहरूले अर्धनग्न अवस्थामा उत्रिएर प्रदर्शन गरेका छन्। आफ्नो बचत फिर्ता गर्न माग गर्दै पुरुष पीडितहरू सडकमा उत्रिएर विरोध प्रदर्शन गरेका हुन्।

यसअघि महिलाहरूले पनि यस्तै शैलीमा प्रदर्शन गरेका थिए। सहकारी संस्थामा वर्षौंको मेहनतको बचत गुमाएको भन्दै पीडितहरू निरन्तर आन्दोलनरत छन्। रकम फिर्ता नपाएको भन्दै उनीहरूको आक्रोश दिनप्रतिदिन चर्किंदै गएको छ।

पीडितहरूले दोषीहरूलाई कारबाही र आफूहरूको रकम शीघ्र फिर्ता गर्न सरकारसमक्ष माग राख्दै आएका छन्। माइतीघर मण्डला पछिल्ला दिनमा सहकारी पीडितको आवाज बुलन्द बनाउने मुख्य स्थल बनेको छ।