टोकियो – जापानको सिजुओका प्रान्तस्थित फुजी सहरमा एक १४ वर्षीय जुनियर हाइस्कूलका छात्रले शिक्षकमाथि आक्रमण गरेको आरोपमा प्रहरीले पक्राउ गरेको छ । पीडित शिक्षक ४० को दशकका रहेको बताइएको छ ।
प्रहरीका अनुसार, सान्केइ शिम्बुन पत्रिकाले उल्लेख गरेअनुसार, ती छात्रले बिहीबार अपराह्न करिब ४:२० बजे शिक्षकको अनुहारमा मुक्का प्रहार गरेका थिए । घटनालगत्तै शिक्षकले छात्रलाई नियन्त्रणमा लिन सफल भएका थिए भने विद्यालयका एक अधिकारीले तत्काल प्रहरीको आपत्कालीन नम्बर ११० मा फोन गरी घटनाबारे जानकारी गराएका थिए । शिक्षकलाई गम्भीर चोटपटक भने लागेको छैन ।
ती छात्रले शिक्षकमाथि किन र के कारणले आक्रमण गरे भन्ने विषयमा प्रहरीले हालसम्म कुनै पनि जानकारी सार्वजनिक गरेको छैन । घटनाको विस्तृत अनुसन्धान भइरहेको स्थानीय प्रहरीले जनाएको छ ।
