प्रधानमन्त्री ओली र कांग्रेस सभापति देउवाबीच भेटवार्ता

समाचार सुन्नुहोस : 

काठमाडौँ – प्रधानमन्त्री केपी शर्मा ओली र नेपाली कांग्रेसका सभापति शेरबहादुर देउवा आज बालुवाटारस्थित प्रधानमन्त्री निवासमा भेटघाट गरेका छन्।

प्रधानमन्त्री ओलीको अस्वस्थताका कारण हिजोका लागि तय भएको यो भेट आज सारिएको हो। यद्यपि उनी अझै पूर्णरूपमा स्वस्थ भएका छैनन्। तर, बाहिरको कार्यक्रममा सहभागी नभई प्रधानमन्त्री निवासमै भेटघाटको कार्यक्रम राखिएको उनको सचिवालयले जनाएको छ ।

दुवै नेताबीच भएको कुराकानीमा देशको ताजा राजनीतिक अवस्था र परिस्थितिबारे गम्भीर छलफल भएको सचिवालयको भनाइ छ।