धरहराबाट ६ महिनामा ३ करोड ७३ लाख रुपैयाँ सङ्कलन

समाचार सुन्नुहोस : 

काठमाडौँ – धरहरा सञ्चालन इकाईले वैशाख मसान्तसम्म ६ महिनामा ३ करोड ७३ लाख रुपैयाँ सङ्कलन गरेको छ। यो रकम धरहरा प्रवेश शुल्कबाट आर्जन गरिएको हो। कार्यालय प्रमुख महेश राईका अनुसार, यस अवधिमा २ लाख ४ हजार पर्यटकले धरहरा भ्रमण गरेका छन्।

धरहरा प्रवेशमा विदेशी पर्यटकबाट प्रतिव्यक्ति ५०० देखि १००० रुपैयाँ, नेपाली नागरिकबाट २०० रुपैयाँ र विद्यार्थी, अपाङ्ग तथा वृद्धबाट ५०% छुटका साथ शुल्क लिइन्छ। हाल सवारी पार्किङ निःशुल्क छ। तर केही समयमा यसमा पनि शुल्क लागू हुने धरहरा सञ्चालन इकाईले जानकारी दिएको छ।

सरकारले मङ्सिर ९ गतेदेखि धरहरा भ्रमणलाई सशुल्क बनाएको हो। यसले पर्यटकबाट राजस्व सङ्कलन बढाउन मद्दत पुगेको छ।