विपीन जोशीको रिहाइका लागि नेपालले कतारसँग गर्यो पुनः अपील

समाचार सुन्नुहोस : 

काठमाडौँ — परराष्ट्रमन्त्री डा. आरजु राणा देउवाले कतारको विदेश मन्त्रालयका जलवायु परिवर्तन विशेष दूत बदर उमर इस्माइल अल दफासँग भेटघाट गरी हमासबाट बन्धक बनेका नेपाली युवा विपीन जोशीको रिहाइ र स्वदेश फिर्तीका लागि थप पहल गर्न आग्रह गरेकी छिन्।

शुक्रबार सगरमाथा संवादमा सहभागिता जनाउन आएका कतारी दूतसँग भएको भेटमा मन्त्री राणाले जोशीको सुरक्षा र फिर्तीका लागि कतारले गरेको सहयोगमा धन्यवाद दिँदै अझै निरन्तर सहयोग मागेकी हुन्। उनले यसअघि पनि कतार र इजरायलसँग जोशीको मुक्तिका लागि पहल गर्न आग्रह गरेकी थिइन्।

२०२३ देखि हमासबाट बन्धक बनेका जोशीको मुक्तिका लागि नेपाल सक्रिय रूपमा अन्तर्राष्ट्रिय समुदायसँग सहयोग माग्दै आएको छ।