प्रतिनिधिसभा बैठक १५ मिनेटका लागि स्थगित

समाचार सुन्नुहोस : 

काठमाडौँ – प्रतिनिधिसभाको आजको बैठक केही समयका लागि स्थगित गरिएको छ। विनियोजन विधेयकको सिद्धान्त र प्राथमिकतामाथिको छलफलका क्रममा अर्थमन्त्री विष्णुप्रसाद पौडेलको उपस्थितिको माग उठेपछि बैठक रोकिएको हो।

नेकपा (माओवादी केन्द्र)का प्रमुख सचेतक हितराज पाण्डेले अर्थमन्त्रीको अनुपस्थिति प्रश्न उठाउँदै बैठक अघि बढाउनु नहुने धारणा राखे। सभामुख देवराज घिमिरेले भने अर्थमन्त्री पौडेल सगरमाथा संवाद कार्यक्रममा सहभागी भएका कारण ढिलाइ भएको जानकारी दिँदै केहीबेरमै उपस्थित हुने भन्दै बैठक सञ्चालन गर्ने प्रयास गरेका थिए।

तर पाण्डेको आपत्ति पछि सभामुखले बैठकलाई १५ मिनेटका लागि स्थगित गर्ने निर्णय गरेका हुन्।