आज पनि बढ्यो सुनको भाउ, तोलाको कति ?

समाचार सुन्नुहोस : 

काठमाडौँ – नेपाली बजारमा सुनको मूल्य निरन्तर बढ्दो क्रममा रहेको छ। नेपाल सुनचाँदी व्यवसायी महासंघका अनुसार, बुधबार प्रतितोला १ हजार ७ सय रुपैयाँले बढेको सुनको भाउ बिहीबार थप ६ सय रुपैयाँले वृद्धि भएर १ तोला छापावाल सुनको मूल्य १ लाख ९२ हजार २ सय रुपैयाँ पुगेको छ। अघिल्लो दिन यो मूल्य १ लाख ९१ हजार ६ सय रुपैयाँ रहेको थियो।

सुनको मूल्यमा यो क्रमिक वृद्धि देखिए पनि चाँदीको भाउ भने घटेको छ। बुधबार प्रतितोला १ हजार ९ सय ६५ रुपैयाँमा कारोबार भएको चाँदीको मूल्य बिहीबार १० रुपैयाँले घटेर १ हजार ९ सय ५५ रुपैयाँमा झरेको महासंघले जनाएको छ।

बजार विश्लेषकहरूका अनुसार अन्तर्राष्ट्रिय बजारको प्रभाव र माग–आपूर्तिको कारणले यस्ता परिवर्तनहरू देखिएका हुन्।