समाचार सुन्नुहोस :
काठमाडौँ – आज मे १ तारिख, अन्तरराष्ट्रिय श्रमिक दिवस नेपालमा पनि विविध कार्यक्रमहरूका साथ मनाइँदैछ। यस वर्ष नेपालले १३६औँ श्रमिक दिवस मनाइरहेको छ।
श्रमिकहरूको अधिकार, सम्मान र पेसागत मर्यादा सुनिश्चित गर्ने उद्देश्यले यो दिवस विश्वभर मनाइन्छ। सन् १८८६ मा अमेरिकाको शिकागो शहरमा मजदुरहरूले ‘आठ घण्टा काम, आठ घण्टा विश्राम, आठ घण्टा मनोरञ्जन’ भन्ने नारासहित आन्दोलन गरेका थिए। सोही आन्दोलनको सम्झनामा सन् १८८९ मा पेरिसमा आयोजित श्रमिक सम्मेलनले मे १ लाई अन्तरराष्ट्रिय श्रमिक दिवसको रूपमा मनाउने निर्णय गरेको थियो।
नेपालमा यो दिवस पहिलो पटक वि.सं. २०१९ मा नेपाल मजदुर सङ्गठनले मनाएको मानिन्छ। २००३ को श्रमिक आन्दोलन र २००७ को राजनीतिक परिवर्तनपछि यस दिवसलाई औपचारिकता दिइएको हो। साथै, २०४६ सालको राजनीतिक परिवर्तनपछि मे १ लाई सार्वजनिक बिदा दिइन थालिएको हो।
श्रमिक दिवसका अवसरमा आज नेपालभर र्याली, सभा, तथा श्रमिक हितका विषयमा जनचेतनामूलक कार्यक्रमहरू आयोजना हुँदैछन्। यस दिवसले सरकार र रोजगारदाताहरूलाई श्रमिकहरूको हक–हितका लागि प्रतिबद्ध बन्न प्रेरित गर्ने अपेक्षा गरिएको छ।
