सुनको मूल्य ह्वात्तै घट्यो, आज कतिमा हुँदैछ कारोबार ?

समाचार सुन्नुहोस : 

काठमाडौँ – नेपाली बजारमा सुनचाँदीको भाउ आज ह्वात्तै घटेको छ। नेपाल सुनचाँदी व्यवसायी महासंघका अनुसार, बिहीबार छापावाला सुनको मूल्य प्रतितोला चार हजार छ सय रुपैयाँले घटेर एक लाख ८३ हजार पाँच सय रुपैयाँमा झरेको छ। यसअघिको कारोबार दिन, अर्थात् बुधबार, सुनको मूल्य प्रतितोला एक लाख ८८ हजार एक सय रुपैयाँ थियो।

त्यस्तै, चाँदीको मूल्यमा पनि सामान्य गिरावट आएको छ। आज चाँदी प्रतितोला ५० रुपैयाँले घटेर एक हजार नौ सय १५ रुपैयाँमा कारोबार भइरहेको छ। बुधबार चाँदीको मूल्य एक हजार नौ सय ६५ रुपैयाँ थियो।