सोमबारको संसद्मा अश्लील भाषा नबोलेको प्रेम आलेको प्रस्टोक्ति

समाचार सुन्नुहोस : 

काठमाडौँ – नेकपा (एकीकृत समाजवादी) का सांसद तथा पूर्वमन्त्री प्रेमबहादुर आलेले आफूले संसद्मा अश्लील भाषा प्रयोग नगरेको स्पष्ट पारेका छन्।

मंगलबारको प्रतिनिधिसभा बैठकमा बोल्दै उनले सोमबारको बैठकमा आफूले दिएको अभिव्यक्तिलाई अश्लील भन्दै सञ्चारमाध्यमहरूमा प्रकाशित भएका समाचारप्रति आपत्ति जनाए। उनले भने, “अश्लील बोलेको भनेर आएको समाचारप्रति मेरो गम्भीर ध्यानाकर्षण भएको छ। मैले भनेको थिए—पार्टीको दबाब झेल्न नसक्दा त्यो मान्छेलाई डीजी बनाउनुपर्‍यो। यसलाई अश्लील भन्न मिल्दैन।”

सांसद आलेले आफूले बोलेका शब्दहरू गम्भीरताका साथ सुनेर मात्र समाचार बनाउन पनि अनुरोध गरे। उनले पोखरा र भैरहवा अन्तर्राष्ट्रिय विमानस्थल निर्माणमा भएको भनिएको भ्रष्टाचारबारे संसद्मा आवाज उठाएपछि आफूलाई नियोजित रूपमा प्रहार भइरहेको आरोपसमेत लगाए।