समाचार सुन्नुहोस :
काठमाडौँ – गण्डकी प्रदेशका पूर्वमन्त्री दीपक मनाङे (राजीव गुरुङ)ले सर्वोच्च अदालतमा दर्ता गरिएको पुनरावलोकन निवेदन फिर्ता लिएका छन् । उनले यसअघि चार महिनादेखि पेसी तोकिए तापनि न्यायालयले मुद्दा हेर्न नसकेपछि फिर्ता लिने निर्णय गरेका हुन् ।
मनाङेले २०८१ कात्तिक २० गते सर्वोच्चले उच्च अदालत पाउनको आदेश सहित ज्यान मार्ने उद्योगमा दोषी ठहर गरेको थियो । उच्च अदालतले उनलाई ५ वर्ष कैद सुनाएको थियो । यसै फैसलाको पुनरावलोकनका लागि उनले २०८१ माघ १० गते सर्वोच्चमा निवेदन दिएका थिए । तर, तीनवटा फरक इजलासमा पेसी तोकिए पनि मुद्दा हेर्न नसकिएपछि उनले निवेदन फिर्ता लिने अपिल गरेका थिए । न्यायाधीश कुमार रेग्मी, हरिप्रसाद फुयाल र तिलप्रसाद श्रेष्ठको इजलासले यसलाई स्वीकार गरी फिर्ता लिन अनुमति दिएको हो ।
अहिले उनी जिल्ला अदालत काठमाडौंमा मुलुकी ऐन दण्ड सजायको ४१ (क) अनुसार २० प्रतिशत कैद छुटको माग गर्दै छन् । जिल्ला अदालतले फागुन २३ गते उनलाई १ वर्ष कैद छुट दिने आदेश पनि सुनाइसकेको छ ।
