समाचार सुन्नुहोस :
काठमाडौँ – नेपाली बजारमा आइतवार सुनचाँदीको भाउमा एकैदिन ठूलो गिरावट आएको छ। नेपाल सुनचाँदी व्यवसायी महासङ्घका अनुसार आइतवार सुनको भाउ तोलामा १,९०० रुपैयाँले घटेको हो। यस गिरावटसँगै छापावाल सुनको भाउ १ लाख ७४ हजार ५ सय रुपैयाँमा झरेको छ।
यसअघि बिहीवार सुनको मूल्य ऐतिहासिक उच्च स्तर १ लाख ८० हजार ३ सय रुपैयाँसम्म पुगेको थियो। तर त्यसको भोलिपल्ट शुक्रबार मात्रै ३,९०० रुपैयाँले घटेर १ लाख ७६ हजार ४ सय रुपैयाँमा पुगेको थियो।
त्यस्तै, आइतवार चाँदीको मूल्य पनि घटेको छ। महासङ्घका अनुसार चाँदी तोलामा ७० रुपैयाँले घटेर १ हजार ८ सय रुपैयाँमा कारोबार भइरहेको छ। शुक्रबार चाँदीको मूल्य १ हजार ८ सय ७० रुपैयाँ थियो।
लगातार मूल्य घट्दा सुनचाँदी व्यवसायमा केही समयको लागि चहलपहल घट्न सक्ने व्यवसायीहरूको अनुमान छ। बजार विश्लेषकहरूले अन्तर्राष्ट्रिय बजार मूल्यमा आएको उतारचढावले नेपाली बजारमा पनि प्रत्यक्ष प्रभाव पार्ने जनाएका छन्।
