एक वर्षमै ३० अर्ब बढ्यो विनोद चौधरीको सम्पत्ति, कुल सम्पत्ति २ खर्ब ७५ अर्ब

समाचार सुन्नुहोस : 

काठमाडौँ – नेपालका एकमात्र डलर अर्बपति विनोद चौधरीको सम्पत्ति एक वर्षमा ३० अर्ब रुपैयाँले वृद्धि भएको छ। अमेरिकी म्यागेजिन फोर्ब्सले सार्वजनिक गरेको तथ्यांकअनुसार, सन् २०२५ मा चौधरीको कुल सम्पत्ति २ खर्ब ७५ अर्ब रुपैयाँ पुगेको छ।

फोर्ब्सको धनीहरूको सूचीमा उनी १,७६३ औं स्थानमा रहेका छन्। फोर्ब्सले हरेक वर्ष अर्बपतिहरूको सूची प्रकाशित गर्दै आएको छ। जसमा चौधरी सन् २०१८ मै १.७ अर्ब अमेरिकी डलर सम्पत्तिसहित समावेश भएका थिए।

तर, कोरोना महामारीका कारण उनको सम्पत्ति घटेर १.४ अर्ब अमेरिकी डलरमा पुगेको थियो। यद्यपि, सन् ২০২३ मा उनले आफ्नो आर्थिक स्थान पुनः सुधार गरेका थिए। चौधरी सिजी ग्रुपका प्रमुख हुन्। उनको व्यापार नेपालसहित भारत, बंगलादेश, पाकिस्तान लगायतका देशहरूमा फैलिएको छ।