नेपाल प्रहरीको ३१औं आईजीपी बने दीपक थापा

समाचार सुन्नुहोस : 

काठमाडौँ – नेपाल प्रहरीको महानिरीक्षक (आईजीपी) पदमा दीपक थापा नियुक्त भएका छन्। बालुवाटारमा बसेको मन्त्रिपरिषद् बैठकले अतिरिक्त महानिरीक्षक (एआईजी) थापालाई यस पदमा नियुक्त गर्ने निर्णय गरेको हो। थापा हाल केन्द्रीय अनुसन्धान ब्युरो (सीआईबी) का प्रमुख रहेका छन् र उनी प्रहरीको ३१औं आईजीपी बन्न सफल भएका छन्।

आईजीपी पदका लागि ३ जना प्रतिस्पर्धीमध्ये थापा वरीयताको आधारमा पहिलो स्थानमा रहेका थिए। उनका प्रतिस्पर्धीमा अतिरिक्त महानिरीक्षक सुदीप गिरी दोस्रो स्थानमा र टेकबहादुर तामाङ तेस्रो स्थानमा रहेका थिए। मन्त्रिपरिषद्को निर्णयले थापालाई यस पदमा नियुक्त गरेको हो।