जापानले गलत कागजात पेस गर्ने थप ८ नेपालीलाई निष्कासन गर्‍यो

काठमाडौं – जापानमा गैरकानुनी रूपमा बस्दै आएका ८ नेपालीलाई त्यहाँको अध्यागमन विभागले निष्कासन गरेको छ । गलत कागजात पेस गरेको आरोपमा उनीहरूलाई अध्यागमनले निष्कासन गरेको हो ।

निष्कासनमा पर्नेमा चौधरी, कार्की, खड्का, गौतम, घर्ती मगर, पुन, भुजेल र भट्टचन थरीका एक-एक जना रहेका छन् । ६ जनालाई आइतबार नेपाल फर्काइएको हो भने दुई जनालाई अघिल्लो साता निष्कासन गरेको थियो ।

झुटो कागजात पेस गरेका आरोपमा उनीहरूलाई जापानको अध्यागमन प्रहरीले पक्राउ गरेको थियो । पक्राउपछि उनीहरूलाई सोधपुछ गरी आवश्यक डकुमेन्ट बन्दोबस्ती गरेर नेपाल फर्काइएको हो । कस्तो खालको कागजात पेस गरिएको भन्ने विषयमा भने खुलाइएको छैन ।