ज्ञानेन्द्र शाही आफैँ पुगेर तिरे महानगरलाई १ लाख जरिवाना

समाचार सुन्नुहोस : 

काठमाडौँ – काठमाडौं महानगरपालिकाले लगाएको एक लाख रुपैयाँ जरिवाना राष्ट्रिय प्रजातन्त्र पार्टी (राप्रपा)ले तिरेको छ। पूर्वराजा ज्ञानेन्द्र शाहको स्वागतका क्रममा फोहोर फैलिएको र आसपासका रुखहरूमा क्षति पुगेको भन्दै महानगरले राप्रपालाई जरिवाना तोकेको थियो।

सोहीअनुसार, सोमबार प्रमुख सचेतक ज्ञानेन्द्र शाही नेतृत्वको टोलीले जरिवाना रकम महानगरको खातामा दाखिला गरेको शाहीले जानकारी दिएका छन्। ‘हामी राप्रपा सुशासन मान्छौं र विधिको शासन मान्छौं राजाको स्वागतमा आएका लाखौं आमाबुवा दाजुभाइ-बहिनीहरूले हिँड्दा बाटोमा केही कुल्चिए होलान्। महानगर नगरपालिकाको निर्णयलाई हामी स्वीकार्दछौं रु १ लाख रुपैयाँ हामीले काठमाडौँ महानगरपालिकाको खातामा दाखिला गरेका छौं,’ शाहीले फेसबुकमा लेखेका छन्।