काठमाडौंमा सुरक्षाकर्मी ‘हाई अलर्ट’मा, संवेदनशील क्षेत्रहरूमा कडा निगरानी

समाचार सुन्नुहोस : 

काठमाडौँ – पूर्वराजा ज्ञानेन्द्र शाह पोखराको एक साता बसाइँपछि काठमाडौं फर्किंदा राजावादी दल र समूहहरूले उनको स्वागतमा प्रदर्शन गर्दैछन्। प्रदर्शनलाई मध्यनजर गर्दै काठमाडौंमा सुरक्षा व्यवस्था कडा पारिएको छ

काठमाडौं उपत्यका प्रहरी कार्यालयका प्रवक्ता एसएसपी शेखर खनालका अनुसार, त्रिभुवन अन्तर्राष्ट्रिय विमानस्थल, नारायणहिटी दरबार सङ्ग्रहालय, चाबहिल, गौशाला, महाराजगञ्ज लगायतका संवेदनशील क्षेत्रमा सुरक्षाकर्मीहरू तैनाथ गरिएका छन्। उनले आवश्यकताअनुसार थप सुरक्षा व्यवस्था मिलाइएको र परिस्थिति अनुसार रणनीति तयार पारिएको बताए।

पूर्वराजा ज्ञानेन्द्र आज दिउँसो पोखराबाट काठमाडौं आइपुग्ने कार्यक्रम छ। उनको आगमनलाई स्वागत गर्न राजावादी समर्थकहरू विभिन्न स्थानबाट जुलुस निकाल्दै विमानस्थलको गेटअघि भेला हुने तयारीमा छन्।