समाचार सुन्नुहोस :
काठमाडौँ – नेपाली कांग्रेसका सभापति शेरबहादुर देउवाले नेपाल महिलाहरूको अधिकार सुनिश्चित गर्ने मामिलामा धेरै अघि बढिसकेको दाबी गरेका छन्। शनिबार, अन्तर्राष्ट्रिय नारी दिवसको अवसरमा कांग्रेस महिला विभागद्वारा ललितपुरमा आयोजित कार्यक्रममा बोल्दै उनले केही देशमा अझै पनि महिलाहरूले आफ्ना अधिकार प्राप्त गर्न संघर्ष गरिरहेको तथ्य स्मरण गराए।
उनका अनुसार नेपालले महिलाको प्रतिनिधित्वलाई सुनिश्चित गर्दै प्रत्येक स्थानीय तहमा अनिवार्य रूपमा महिला सहभागिता व्यवस्था गरिसकेको छ। उनले देशभरका महिलाहरूलाई अधिकारसहितको स्थान प्रदान गरिएको उल्लेख गर्दै आगामी दिनमा महिलाहरू राज्यका महत्त्वपूर्ण निर्णय गर्ने निकायमा पुग्ने विश्वास व्यक्त गरे।
कार्यक्रममा सहभागी कांग्रेस नेताहरूले महिलाहरूलाई थप अधिकारसम्पन्न बनाउन पार्टीले सक्रिय भूमिका खेल्नुपर्नेमा जोड दिएका थिए।
