काठमाडौँ उडेको बुद्ध एयरको जहाजको पाङ्ग्रा जनकपुरमै छुटेपछि…

समाचार सुन्नुहोस : 

काठमाडौँ – बिहीबार अपराह्न जनकपुरबाट काठमाडौंका लागि उडेको बुद्ध एयरको जहाज अगाडिको एउटा पाङ्ग्राबिना नै सुरक्षित अवतरण गरेको छ। युफोर ५०६ उडान नम्बरको एटिआर जहाज जनकपुरबाट ४:३९ बजे उडेर ५:०६ बजे काठमाडौं विमानस्थलमा अवतरण गरेको थियो। अवतरणका क्रममा जहाजको अगाडिका दुईमध्ये एक पाङ्ग्रा नभएको पत्ता लाग्यो। अनुसन्धानपछि उक्त पाङ्ग्रा जनकपुरमै छुटेको खुलेको छ।

चालक दलका सदस्यहरूले उडानको क्रममा नै पाङ्ग्रा हराएको पत्तो नपाएको बुझिएको छ। जहाजमा ६२ जना यात्रु सवार थिए। नेपाल नागरिक उड्डयन प्राधिकरणका सूचना अधिकारी ज्ञानेन्द्र भूलका अनुसार यो घटनाबारे विस्तृत छानबिन भइरहेको छ। यद्यपि, पाङ्ग्रा नभए पनि जहाज सुरक्षित रूपमा अवतरण गरिएको छ।