बालेन शाहको पुर्ख्यौली घरमा प्रचण्ड

समाचार सुन्नुहोस : 

काठमाडौँ – नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’ काठमाडौं महानगरपालिकाका मेयर बालेन शाहको पुर्ख्यौली घरमा पुगेका छन्। प्रचण्ड बिहीबार महोत्तरीमा रहेको बालेनको उक्त घरमा पुगेको जानकारी उनको सचिवालयले दिएको छ।

हाल माओवादी केन्द्र तराई-मधेस जागरण अभियान सञ्चालन गर्दैछ। जसअन्तर्गत महोत्तरीमा आयोजना गरिएको कार्यक्रममा मेयर शाहको पुर्ख्यौली घरसमेत प्रयोग गरिएको छ।

शाहको पुर्ख्यौली घर भाडामा लिई एकडारा गाउँपालिका कार्यालय सञ्चालन भइरहेको छ। शाहका परिवार त्यहाँ बसोबास गर्दैनन्। मेयर शाहको स्थायी निवास भने काठमाडौंको सिनामंगल क्षेत्रमा रहेको छ।