केपी ओली कपको फाइनल आज, बुफोनको उपस्थितिमा आर्मी र मछिन्द्र भिड्दै

समाचार सुन्नुहोस : 

काठमाडौँ – केपी ओली कप फुटबलको फाइनल खेल आज साँझ दशरथ रंगशालामा हुँदैछ। उपाधिका लागि त्रिभुवन आर्मी क्लब र मछिन्द्र क्लब प्रतिस्पर्धा गर्नेछन्।

मछिन्द्र क्लबले शनिबार सम्पन्न दोस्रो सेमिफाइनलमा आयोजक केपी ओली एफसीलाई ४–० ले पराजित गर्दै फाइनल यात्रा तय गरेको थियो। त्यस्तै, शुक्रबार सम्पन्न पहिलो सेमिफाइनल खेलमा आर्मी क्लबले संकटा क्लबलाई २–१ गोल अन्तरले हराउँदै उपाधि प्रतिस्पर्धामा स्थान बनाएको हो।

आजको फाइनल खेल विशेष आकर्षणका रूपमा इटालियन फुटबलका महान गोलकिपर गियानलुइगी बुफोनको उपस्थिति रहनेछ। उनी आइतबार नै काठमाडौं आइपुगेका छन्। खेलअघि दशरथ रंगशालामा सांगीतिक प्रस्तुति हुने जानकारी आयोजक राष्ट्रिय युवा संघ नेपालले दिएको छ।