टोकियो – एभरेष्ट इन्टरनेशनल स्कुल, जापानले आफ्नो सेवा बिस्तार गर्ने क्रममा आराकावामा पनि शाखा बिस्तार गरेको छ । जसअनुसार आगामी शैक्षिक सत्र अप्रिलदेखि पठनपाठन सुरु गर्ने गरी तैयारी भईरहेको स्कुल प्रशासनले जनाएको छ ।
शाखा बिस्तार गर्ने क्रममा आराकावा क्षेत्रमा रहेका नेपालीहरुलाई लक्षित गरी नर्सरीदेखि कक्षा ५ सम्म पढाई हुने गरी कक्षा सञ्चालन गर्न लागिएको हो ।
राजधानी टोकियोका २३ वटा वार्ड मध्य आराकावा कु मा बालबालिकाका लागि शिक्षामा सबैभन्दा बढि अनुदान उपलब्ध गराउने कु मा पर्दछ । जसअन्तर्गत उक्त अनुदान प्राप्त गर्ने प्रक्रियामा लाग्ने समयावधिसम्म किन्डरगार्टेन तहका विद्यार्थीहरुको शुल्कमा ५० प्रतिशत छूट दिईने र कक्षा १ देखि ५ कक्षासम्मका विद्यार्थीहरुको शुल्कमा पनि विशेष छूटको व्यवस्थासहित भर्ना शुल्कमा ५० प्रतिशत छूट गरिने एभरेष्ट स्कुलका प्रिन्सिपल बिष्णुप्रसाद भट्टले जानकारी दिए ।
एभरेष्ट इन्टरनेशनल स्कुलमा हाल विद्यार्थीहरुको चाप थेग्न नसकिएको अवस्था र नेपालीहरुको बाक्लो उपस्थिति रहेको संभावित स्थानमा शाखा बिस्तार गर्ने स्कुलको नीति अनुसार आराकावामा उक्त संभावना देखिएकोले त्यहाँ किण्डरगार्टेन तहदेखि कक्षा ५ सम्मको पढाई सुरु गर्न लागिएको स्कुलका सञ्चालक समितिका अध्यक्ष भवन भट्टले बताए ।
एभरेष्ट इन्टरनेशनल स्कुलको हाल ओकुबोमा किन्डरगार्टेन (एभरेष्ट किड्स), आशागायामा कक्षा १ देखि कक्षा ३ सम्म र ओगिकुबोमा कक्षा ४ देखि १२ कक्षासम्म पढाई भईरहेको छ ।
‘जापानमा नेपालीहरुको आगमन बढ्दो क्रममा रहेको र सोहीअनुसार स्कुल जाने उमेरका बालबालिकाहरुको संख्या पनि उत्तिकै बढ्दो क्रममा रहेकोले हाललाई नर्सरीदेखि कक्षा ५ सम्मको पढाई हुने गरी आराकावामा शाखा बिस्तार गरिएको हो ।’ – स्कुलका सञ्चालक समितिका संस्थापक अध्यक्ष डा. भूपालमान श्रेष्ठले बताए ।
आराकावामा नेपालीहरुको बाक्लो उपस्थिति रहेको छ । आराकावा बाहिरबाट जाने विद्यार्थीहरुका लागि बसको समेत ब्यवस्था गरिने स्कुल प्रशासनले जनाएको छ । ***
Arakawa Campus Address :
116-0002, Tokyo-To
Arakawa-Ku, Arakawa 8-22-3
Nearest Station – Machiya
Train Line – Chiyoda, Keisei
