टोकियो – जापानले सन् २०३० को दशकको सुरुमा सबै नयाँ यात्रुवाहक कारलाई जैविक इन्धनयुक्त बनाउन कार निर्माताहरूलाई प्रोत्साहित गर्ने योजना अघि सारेको छ ।
स्थानीय सञ्चारमाध्यमका अनुसार उद्योग मन्त्रालयले उपसमितिको बैठकमा सार्वजनिक गरेको नयाँ लक्ष्यले तेल थोक बिक्रेताहरूलाई आर्थिक वर्ष २०३० सम्ममा १० प्रतिशतसम्म बायोएथेनल मिश्रित पेट्रोल आपूर्ति सुरु गर्न आग्रह गर्ने लक्ष्य राखेको छ । मन्त्रालयले यो परिवर्तनलाई कानुनमार्फत अनिवार्य बनाउनेबारे पनि सोचिरहेको बताइएको छ ।
‘यसबाहेक, मन्त्रालयले अर्को ग्रिष्म ऋतुसम्ममा अन्तिम रूप दिने अपेक्षा गरिएको एक कार्य योजना तयार गरिरहेको छ र बायोएथेनल-मिश्रित इन्धनहरू समायोजित गर्न ग्यास स्टेसनहरूमा आवश्यक तयारीका लागि सहयोग गर्नेछ,’ रिपोर्टमा भनिएको छ ।
मकै र उखुबाट बनेको बायोएथेनलले प्रकाश संश्लेषणको क्रममा कार्बनडाइअक्साइड सोस्छ । यो प्राकृतिक प्रक्रियाले बायोएथेनोल-मिश्रित इन्धन जलाउँदा उत्पन्न कार्बनडाइअक्साइड उत्सर्जनलाई नियन्त्रण गर्न मद्दत गर्ने विश्वास गरिएको छ ।
