काठमाडौं– नेपाली सेनासँग सैन्य आदान–प्रदान तथा जापानको स्थल प्रतिरक्षा फौजको बारेमा जानकारी गराउने उद्देश्यले मित्रराष्ट्र जापानका स्थल प्रतिरक्षा फौजको बन्दोबस्ती विभागका उपनिर्देशक तथा मेजर जर्नेल मासातोशी कावासेको नेतृत्वमा तीन सदस्यीय भ्रमण टोली े काठमाडाँै आएको छ ।उक्त टोलीले कामु प्रधानसेनापति बलाधीकृत रथी नेपाल भूषण चन्दसँग शिष्टाचार भेट गरेको छ । उक्त अवसरमा दुई सेनाबीच मानव स्रोत र दैवीप्रकोप उद्धारका कार्यहरूमा आपसी सहयोगबारे विस्तृत छलफल भएको सैनिक जनसम्पर्क निर्देशनालयले जनाएको छ ।
भ्रमण टोलीले सैनिक कमाण्ड तथा स्टाफ कलेज र जङ्गी असवाब खानाको भ्रमण अवलोकन गरेको र जङ्गी अड्डास्थित विभिन्न विभागीय प्रमुख तथा निर्देशकसँगसमेत सामूहिक शिष्टाचार भेटघाट गरेको छ ।
भ्रमण टोली शनिबार स्वदेश फिर्ता हुने कार्यक्रम रहेको सैनिक जनसम्पर्क निर्देशनालयले जनाएको छ ।
