काठमाडौं – एक जापानी विज्ञले एउटै राष्ट्र, सांस्कृतिक विविधता र एक अर्थतन्त्रका आधारमा नेपाल संघीयतामा जानुपर्ने सुझाव दिएका छन्। राज्यको पुर्नसंरचना गर्दा पहिचानसँगै आर्थिक विकासको आवश्यकता उनले दर्शाएका छन्।
जापानको हितात्सुबासी विश्वविद्यालयका भिजिटिङ प्रोफेसर सिन्जि असानुमाले हालै ललितपुरमा आयोजित कार्यक्रममा मुलुकको विकासका लागि सवै प्रदेश एउटै आर्थिक क्षेत्रकारुपमा रहनुपर्ने सुझाव दिएका छन । उनले राष्ट्रिय एकता, सार्वभौमसत्ता कायम गर्दै आर्थिक र सामजिक विकास ‘ग्रोथ पोलिटिक्स’ लाई आधार बनाएर राष्ट्रिय विकासमा लाग्नुपर्ने बताएका छन।
नेपालको राज्य पुनरसंरचनासँगै प्रदेशहरुका लागि राजस्व बाडफाँडको विधि बनाउनुपर्ने उनले औंल्याएका छन्। विधायिका मार्फत वित्तीय आयोग बनाएर केन्द्र र प्रदेशमा राजस्व वितरण गर्नुपर्ने सुझाव पनि असानुमाले प्रस्तुत गरेको कार्यपत्रमा उल्लेख छ। ***
