टोकियो – चितवन जिल्लाबाट जापान आई विभिन्न पेशामा संलग्न रहेका चितवनेहरुको साझा संगठन चितवन कल्याण मंच जापानले हालै एक कार्यक्रमको आयोजना गरि जिल्लाको माडीस्थित गर्दी गाबिस- ८ बरुवामा रहेको सोमेश्वर उच्च माबिलाई आर्थिक सहयोग गरेको छ । मंचको केहि समय आगाडि टोकियोमा बसेको कार्य समितिको बैठकले उक्त उच्च माबिलाई आर्थिक सहयोग गर्ने निर्णय गरेको हो ।
बैठकमा मंचका सल्लाहकारहरु ओम गुरुङ, भूषण घिमिरे लगायत कार्यसमितिका व्यक्तिहरुको उपस्थिति रहेको थियो । मंचका अध्यक्ष लोकनाथ वस्ती, सल्लाहकार भूषण घिमेरे कार्यसमिति सदस्य डा. विश्वराज कंडेल नेपाल गएको अवसर पारेर उक्त उमाबिलाई रु. एक लाख नगद सहयोग प्रदान गरेको कुरा मंचका महासचिब अर्जुन अधिकारीले जानकारी दिनुभयो ।
कार्यक्रममा उमाबिका संचालक समितिका अध्यक्ष, प्राध्यापक, अबिभाबक लगायत स्थानिय समाजसेबीहरुको उपस्थिति रहेको थियो
साथै मंचको यहि मे १९ तारिख शनिबार २०१२, का दिन टोकियोमा बसेको बैठकले आगामी जुलाई २२ तारिख आइतबारका दिन २०१२ का दिन टोकियोमा एक जापानव्यापी बृहत चितवने भेला गर्ने निर्णय गरेको थाहा भएको छ । ***
