सुन तोलामा १५ सय रुपैयाँ घट्यो

समाचार सुन्नुहोस : 

काठमाडौँ – बिहीबार सुनको भाउ तोलामा १५ सय रुपैयाँ घटेको छ। नेपाल सुनचाँदी व्यवसायी महासंघले यस दिनका लागि छापावाल सुनको भाउ प्रतितोला १ लाख ८७ हजार ८ सय रुपैयाँ तोकेको छ। अघिल्लो दिन यो मूल्य १ लाख ८९ हजार ३ सय रुपैयाँ थियो।

वैशाख ९ गतेको उच्च मूल्यसँग तुलना गर्दा सुनको भाउमा हालसम्म प्रति तोला १० हजार १ सय रुपैयाँको गिरावट आइसकेको छ। त्यतिबेला सुनको मूल्य १ लाख ९७ हजार ९ सय रुपैयाँ रहेको थियो।

त्यस्तै, चाँदीको मूल्य पनि सामान्य घटबढ भएको छ। अघिल्लो दिन २ हजार ५ रुपैयाँमा कारोबार भएको चाँदी आज १० रुपैयाँ घटेर १ हजार ९९५ रुपैयाँमा झरेको छ।