गभर्नर विश्वनाथ पौडेलविरुद्धको रिटमा आज पेसी

समाचार सुन्नुहोस : 

काठमाडौँ – नेपाल राष्ट्र बैंकका गभर्नर विश्वनाथ पौडेलविरुद्ध सर्वोच्च अदालतमा दर्ता भएको रिटमाथि आज बुधबार पेसी तोकिएको छ। अधिवक्ता विशाल थापा, प्रतिभा उप्रेती र अनन्तराज लुइँटेलले पौडेलको नियुक्ति रद्द गर्न माग गर्दै यो रिट दायर गरेका हुन्।

रिटमा पौडेलको नियुक्ति नेपाल राष्ट्र बैंक ऐन २०५८ र संविधानको धारा १३३ (२) व (३) को उल्लंघन भएको दाबी गरिएको छ। यसअघि सरकारले अर्थ मन्त्रालयसम्बन्धी नियुक्ति मापदण्ड २०७३ संशोधन गरेपछि अधिवक्ताहरूले यसलाई खारेज गर्न माग गर्दै रिट दायर गरेका थिए।

सर्वोच्चले गत वैशाख २ मा गभर्नर नियुक्तिमा ६५ वर्षे उमेर सीमा संशोधन नगर्न अन्तरिम आदेश दिएको थियो। अब यस रिटसँगै गभर्नर नियुक्तिविरुद्धको रिटमाथि बुधबार सुनुवाइ हुनेछ।