समाचार सुन्नुहोस :
काठमाडौँ – लामो समयदेखि कम्बोडियामा अलपत्र भई बसेका दुई नेपाली नागरिकलाई नेपाली राजदूतावास थाइल्याण्डले उद्धार गरी स्वदेश फर्काएको छ। फर्किनेहरूमध्ये एक महिला र एक पुरुष रहेका छन्।
राजदूतावासले यस घटनालाई गम्भीरतापूर्वक लिँदै वैदेशिक रोजगारीमा जान इच्छुक सबै नेपालीलाई सरकारले निर्धारण गरेका मापदण्ड र श्रम स्वीकृति प्राप्त गरेपछि मात्र विदेश जान सुझाव दिएको छ। विशेषगरी कम्बोडिया, लाओस, म्यानमार र थाइल्याण्डजस्ता मुलुकहरूमा छिटो र धेरै पैसा कमाउने प्रलोभनमा परी अनाधिकृत रूपमा जान नहुने कडा चेतावनी दिंदै सावधानी अपनाउन आग्रह गरिएको छ।
यसै सन्दर्भमा,राजदूतावासले अन्य नेपालीहरू पनि यस्ता जोखिमपूर्ण परिस्थितिमा नपरुन भन्ने उद्देस्यले आमसञ्चार माध्यम तथा नागरिक समाजसँग सहकार्य गर्दै सचेतना फैलाउन समेत अनुरोध गरेको छ।
