बुधबार ५ हजार बढेको सुनको भाउ बिहीबार थप १७ सय बढ्यो

समाचार सुन्नुहोस : 

काठमाडौँ – नेपाली बजारमा सुनको मूल्य लगातार उकालो लागिरहेको छ। आज बिहीबार पनि सुनको दरमा उल्लेखनीय वृद्धि देखिएको छ। नेपाल सुनचाँदी व्यवसायी महासंघका अनुसार बुधबार एकै दिन तोलामा पाँच हजार रुपैयाँले उक्लिएको छापावाल सुन आज पुनः १७ सय रुपैयाँले बढेर तोलाको एक लाख ९१ हजार ५०० रुपैयाँ पुगेको छ।

चाँदीको मूल्य पनि बढेको छ। महासंघका अनुसार आज चाँदी तोलामा ३० रुपैयाँले वृद्धि भई दुई हजार २५ रुपैयाँमा कारोबार भइरहेको छ। नेपालमा सुनचाँदीको मूल्य निर्धारण अन्तर्राष्ट्रिय बजारको उतारचढावको आधारमा हुने गर्दछ।