एकैदिन ५ हजारले बढ्यो सुनको मूल्य, चाँदीको कति ?

समाचार सुन्नुहोस : 

काठमाडौँ – अन्तरराष्ट्रिय बजारमा सुनको मूल्यमा आएको वृद्धिको असर नेपाली बजारमा पनि देखिएको छ। तीन दिनदेखि स्थिर रहेको सुनको मूल्य आज एकैचोटि तोलामा पाँच हजार रुपैयाँले उकालो लागेको छ।

नेपाल सुनचाँदी व्यवसायी महासंघका अनुसार, आज सुनको मूल्य प्रतितोला १ लाख ८९ हजार ८०० रुपैयाँ पुगेको छ। त्यसैगरी चाँदीको मूल्य पनि तोलामा ५० रुपैयाँले बढेर १ हजार ९९० रुपैयाँमा कारोबार भइरहेको छ।

अन्तरराष्ट्रिय सञ्चारमाध्यमका अनुसार, आज विश्व बजारमा सुनको दर प्रति औँस ३,३२१ अमेरिकी डलर पुगेको छ। अन्तरराष्ट्रिय बजारमा आएको यो वृद्धि नै स्थानीय बजारमा सुनचाँदीको मूल्यमा आएको उकालोको प्रमुख कारण मानिएको छ।