कास्की केन्द्रबिन्दु भएर ४.७ म्याग्निच्युडको भूकम्प

समाचार सुन्नुहोस : 

काठमाडौँ – मंगलबार दिउँसो कास्की जिल्लाको सिनुवा क्षेत्र केन्द्रबिन्दु भएर भूकम्पको धक्का महसुस गरिएको छ। राष्ट्रिय भूकम्प मापन तथा अनुसन्धान केन्द्रका अनुसार दिउँसो १ बजेर ५९ मिनेट जाँदा ४.७ म्याग्निच्युडको भूकम्प गएको पुष्टि गरिएको छ।

भूकम्पको कम्पन कास्की मात्र नभई तनहुँ, बागलुङ, पर्वत लगायतका आसपासका जिल्लाहरूमा पनि अनुभूत भएको जानकारी प्राप्त भएको छ।

यसअघि वैशाख ३१ गते सोलुखुम्बुको छेस्काम क्षेत्रलाई केन्द्र बनाएर ४.६ म्याग्निच्युडको भूकम्प गएको थियो।