दुर्गा प्रसाईंलाई थप ४ दिन हिरासतमा राख्न अनुमति

समाचार सुन्नुहोस : 

काठमाडौँ – काठमाडौँ जिल्ला अदालतले राजावादी प्रदर्शनमा हिंसा भड्काउने आरोपमा पक्राउ परेका मेडिकल व्यवसायी दुर्गा प्रसाईं लाई थप ४ दिन हिरासतमा राख्न प्रहरीलाई अनुमति दिएको छ।

प्रहरीले आइतबार प्रसाईंलाई म्याद थपका लागि अदालतमा पेश गरेको थियो। राज्य विरुद्धको कसुर मा चलिरहेको अनुसन्धान अझै पूरा नभएको हवाला दिँदै अदालतले हिरासत म्याद बढाइदिएको हो।

चैत १५ मा तीनकुने क्षेत्रमा भएको राजावादी प्रदर्शनमा हिंसात्मक घटना भड्किएको आरोपमा प्रसाईं पक्राउ परेका हुन्। प्रहरीले उनलाई थप अनुसन्धान गर्न यो अवधि आवश्यक भएको बताएको छ। अदालतले दिँदै आएको हिरासत म्याद पछि प्रसाईंको कानुनी कारवाही कहाँ पुग्छ, भन्नेबारे अहिले निधो भएको छैन।