काभ्रेमा चट्याङले सिंगो रूख जलायो

समाचार सुन्नुहोस : 

काठमाडौँ – काभ्रेको मण्डनदेउपुर नगरपालिका-१० स्थित आँपघारीको बाँसटौवा क्षेत्रमा शुक्रबार साँझ एउटा रूखमा चट्याङ पर्दा पूरै रूख जलेको छ। त्यसपछि घटनास्थलमा पुगेको सशस्त्र प्रहरीको टोलीले आगो नियन्त्रणमा लिएर जलिरहेको रूख काटेर हटाएको हो।

सशस्त्र प्रहरीका सहायक प्रवक्ता डिएसपी शैलेन्द्र थापाका अनुसार, आगो वरपरको जंगल र बस्तीमा नफैलोस् भन्ने उद्देश्यले १५ नम्बर गण काभ्रेबाट खटिएको टोलीले घटनास्थलमा पुगेर आगो बढ्न नदिई निभाएको बताएका छन्। घटनाको कारण र अन्य विवरण थप अनुसन्धान भइरहेको छ।