५० औँ दिनमा हिरासतमुक्त भए रवीन्द्र मिश्र

समाचार सुन्नुहोस : 

काठमाडौँ – राष्ट्रिय प्रजातन्त्र पार्टी (राप्रपा) का वरिष्ठ नेता रवीन्द्र मिश्रले सर्वोच्च अदालतको आदेशपछि हिरासतबाट मुक्ति पाएका छन्। शुक्रबार सर्वोच्चको एक इजलासले उनलाई हाजिरी जमानतमा छोड्ने निर्णय गरेपछि मिश्र जेलबाट रिहा भएका हुन्।

न्यायाधीश कुमार चुडाल र तिलप्रसाद श्रेष्ठको इजलासले मिश्रलाई कानुन व्यवसायीको जिम्मामा छाड्न आदेश दिएको हो। उनी राजसंस्था पक्षधरको प्रदर्शनपछि चैत १५ गते पक्राउ परेका थिए। उनलाई गैरकानुनी रुपमा हिरासतमा राखिएको भन्दै उनी श्रीमती शारिका कार्कीले सर्वोच्चमा बन्दीप्रत्यक्षीकरणको रिट दायर गरेकी थिइन्।

सर्वोच्चको आदेशपछि मिश्र सर्वोच्चबाट मुस्कानसहित बाहिरिएका थिए।