गाजा भोकमरीको चपेटामा परेको छ : ट्रम्प

समाचार सुन्नुहोस : 

काठमाडौँ – अमेरिकी राष्ट्रपति डोनाल्ड ट्रम्पले गाजा पट्टीमा इजरायली नाकाबन्दीका कारण “धेरै मानिस भोकमरीमा” रहेको बताएका छन्। उनले शुक्रबार पत्रकारहरूलाई अमेरिकाले गाजाको अवस्थालाई हेरिरहेको र ख्याल राख्ने पनि बताए।

इजरायलले दुई महिनाभन्दा बढी देखि गाजामा नाकाबन्दी लगाएको छ। त्यस कारण २४ लाख प्यालेस्टिनी जनताको जीवन प्रभावित भएको छ। संयुक्त राष्ट्रका अनुसार गाजामा इन्धन र औषधि आपूर्ति अवरुद्ध भएर मानवीय सङ्कट उत्पन्न भएको छ।

खाडी देशहरूको भ्रमण गरेपछि ट्रम्पले यस्तो टिप्पणी गरेका हुन्। अमेरिकी विदेशमन्त्री मार्को रुबियोले पनि गाजामा सहयोग पुर्याउन को लागि रुचि देखाएका छन्।