राष्ट्रपति पौडेल र अध्यक्ष प्रचण्डबीच भेटवार्ता

समाचार सुन्नुहोस : 

काठमाडौं, बैशाख २६ — राष्ट्रपति रामचन्द्र पौडेल र नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’बीच शुक्रबार शीतल निवासमा भेटवार्ता भएको छ।

दिउँसो भएको उक्त भेटमा समसामयिक राजनीतिक विषयमा छलफल भएको अध्यक्ष प्रचण्डको सचिवालयले जानकारी दिएको छ। तर, भेटवार्ताको विस्तृत एजेन्डा सार्वजनिक गरिएको छैन। प्रचण्ड शीतल निवास पुगेपछि राष्ट्रपति पौडेलसँग करिब आधा घण्टा भेटवार्ता गरेका थिए। दुवै नेताबीच हालको राजनीतिक परिस्थिति, सत्तागठबन्धनको समीकरण र राष्ट्रिय मुद्दाबारे सामान्य सल्लाह भएको स्रोतले बताएको छ।

पछिल्लो समय मुलुकको राजनीतिमा देखिएको तरल अवस्थाबीच भएको यो भेटलाई राजनीतिक दृष्टिले महत्वपूर्ण रूपमा हेरिएको छ।