अध्यक्ष प्रचण्ड र भाजपा नेता कोशियारीबिच भेटवार्ता

समाचार सुन्नुहोस : 

काठमाडौँ – नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ र भारतीय जनता पार्टीका वरिष्ठ नेता भगतसिंह कोशियारीबीच खुमलटारमा भेटवार्ता सम्पन्न भएको छ।

बिहीबार प्रचण्ड निवासमा भएको उक्त भेटमा दुई नेताबीच नेपाल–भारत सम्बन्धबारे व्यापक छलफल भएको प्रचण्डको निजी सचिवालयले जानकारी दिएको छ। साथै, भारत–पाकिस्तानबीच हाल जारी तनावका विषयमा पनि विचार आदानप्रदान गरिएको बताइएको छ।

दुई देशबीचको आपसी सम्बन्धलाई अझ सुदृढ बनाउने विषयमा केन्द्रित रहेर कुराकानी भएको स्रोतले जनाएको छ।