विद्युत् प्राधिकरणको घाटाबारे ऊर्जामन्त्रीसँग जवाफ माग

समाचार सुन्नुहोस :

काठमाडौँ – राष्ट्रिय स्वतन्त्र पार्टीकी प्रमुख सचेतक निशा डाँगीले नेपाल विद्युत् प्राधिकरणको आर्थिक अवस्था एकाएक कमजोर हुनुको कारणबारे स्पष्ट विवरण दिन ऊर्जा, जलस्रोत तथा सिँचाइ मन्त्री दीपक खड्कासँग माग गरेकी छन्।

बुधबार प्रतिनिधि सभाको शून्य समयमा बोल्दै उनले केही महिना अघिसम्म ४६ अर्ब ४७ करोड रुपैयाँ नाफामा रहेको प्राधिकरण एकै महिनामा ५ अर्ब २६ करोड घाटामा कसरी गयो भन्ने प्रश्न उठाइन्। यस्तो ठूलो वित्तीय उतारचढावको पृष्ठभूमिमा मन्त्रीले सदनमा आएर प्रस्ट पार्नुपर्ने उनको माग छ।

सचेतक डाँगीले यस्तो अस्वाभाविक आर्थिक परिवर्तनप्रति गम्भीर चिन्ता व्यक्त गर्दै पारदर्शिता र जवाफदेहिताको माग गरेकी छिन्।