वामपन्थी नेता प्रदीप नेपालको निधन

समाचार सुन्नुहोस :

काठमाडौँ – वामपन्थी नेता प्रदीप नेपालको निधन भएको छ। साहित्यकार एवं पूर्व मन्त्रीसमेत रहेका नेपालको उपचारका क्रममा नर्भिक अस्पतालमा निधन भएको हो। उपचारका क्रममा मंगलवार दिउँसो सवा चार बजे नेता नेपालको ७१ वर्षको उमेरमा निधन भएको अस्पताल उच्च स्रोतले जनाएको छ।

एमालेका पूर्व स्थायीकमिटी सदस्यसमेत रहेका नेता नेपाल लामो समयदेखि पार्किन्सन रोगबाट पीडित थिए। नेता नेपालको स्वास्थ्यमा जटिलता आएपछि सोमबार नर्भिक अस्पताको आईसीयूमा उपचार गरिदै आएको थियो। रोगले शिथिल बनाउँदै लगेपछि उनी राजनीतिबाट निष्क्रिय बनेका थिए। उनी एमालेबाट सूचना तथा संचार, शिक्षा मन्त्रीसमेत भैसकेका व्यक्ति हुन्।

नेता नेपालको निधनको खबर आएपछि नेकपा एमाले र नेकपा एसका नेता कार्यकर्ता लगायत उनका शुभ चिन्तकहरु नर्भिक अस्पतालमा जम्मा हुने क्रम बढ्दो छ।