सुनको मूल्य एकैदिन पाँच हजार ३०० रुपैयाँले बढ्यो

समाचार सुन्नुहोस :

काठमाडौँ – मंगलबार नेपाली बजारमा सुनको मूल्यमा तीव्र वृद्धि भएको छ। नेपाल सुनचाँदी व्यवसायी महासंघका अनुसार सुनको मूल्य अघिल्लो दिनको तुलनामा प्रतितोला ५,३०० रुपैयाँले बढेको हो।

महासंघले दिएको जानकारीअनुसार मंगलबार छापावाल सुनको मूल्य प्रतितोला १ लाख ८९ हजार ९०० रुपैयाँ पुगेको छ। सोमबार सोही सुनको मूल्य १ लाख ८४ हजार ६०० रुपैयाँमा कारोबार भइरहेको थियो।

सुनसँगै चाँदीको मूल्य पनि उकालो लागेको छ। सोमबार प्रतितोला १ हजार ९१० रुपैयाँमा कारोबार भएको चाँदी मंगलबार ५५ रुपैयाँले बढेर १ हजार ९६५ रुपैयाँमा कायम भएको महासंघले जनाएको छ।